बिज्ञापन

बिज्ञापन

सरकारमा सहभागी नेकपा एमालेले ६ साउनमा सरकारलाई दिएको समर्थन फिर्ता लिएसँगै मुख्यमन्त्री बानियाँ अल्पमतमा परेका छन् । बागमती प्रदेश सभामा कांग्रेस ३६ सिटसहित सबैभन्दा ठूलो दल छ । नेकपाको २६ सिट र एमालेको २५ सिट र अन्य राप्रपाको १२, नेमकिपाको तीन र हाम्रो नेपाली पार्टीको दुई सिट छ । बागमतीमा नयाँ सरकार गठनका लागि ५३ जना प्रदेश सभा सदस्यको बहुमत पुर्‍याउनुपर्ने हुन्छ ।

बानियाँले प्रदेश सभाको जारी दोस्रो कार्यकालको ३ वर्ष ९ महिनाको अवधिमा मुख्यमन्त्रीले छैटौँ पटक विश्वासको मत लिन लागेका हुन्। यसअघि विभिन्न समयमा मुख्यमन्त्रीहरूले ५ पटक विश्वासको मत लिइसकेका छन्।

उता लुम्बिनी प्रदेशका मुख्यमन्त्री चेतनारायण आचार्यले आजै विश्वासको मत लिँदैछन् । सो प्रदेशमा पनि नेपाली कांग्रेसले प्रदेश सरकारलाई दिएको समर्थन फिर्ता लिएपछि संवैधानिक व्यवस्थाअनुसार मुख्यमन्त्री आचार्यले प्रदेशसभाबाट विश्वासको मत लिन लागेका हुन् ।

हिजो रातिमात्र एमालेका केन्द्रीय सचिव तथा लुम्बिनी प्रदेश इन्चार्ज छविलाल विश्वकर्मा, प्रदेश अध्यक्ष राधाकृष्ण कंडेल, नेकपाका प्रदेश इन्चार्ज चक्रपाणि खनाल बलदेव, पूर्वमुख्यमन्त्री तथा संसदीय दलका नेता जोखबहादुर महरासहितका नेताहरू बसेर साना दलहरूको समर्थन जुटाउने र सरकार संचालनको रणनीति बनाउन मुख्यमन्त्री आचार्यलाई निर्देशन दिइसकेका छन् । लुम्बिनी प्रदेशसभामा कुल ८३ जना प्रदेशसभा सदस्य छन् । सरकार गठनका लागि आवश्यक बहुमतका लागि ४२ जना प्रदेशसभा सदस्यको समर्थन आवश्यक पर्छ । एमाले नेता आचार्य ७ साउन २०८१ मुख्यमन्त्री नियुक्त भएका थिए।

यसैबीच कोशी प्रदेशमा आजै मन्त्रिपरिषद् विस्तार हुने भएको छ । नेकपा एमाले र नेपाली कम्युनिस्ट पार्टीबिच साउन पहिलो साता भएको तीनबुँदे सहमति सो प्रदेशमा नेकपाले पूर्वाधार विकास मन्त्रालय, आन्तरिक मामिला तथा कानुन मन्त्रालय, पर्यटन मन्त्रालय र स्वास्थ्य वा कृषिमध्ये एउटा मन्त्रालयको नेतृत्व पाउने सम्भावना छ। नेकपाबाट जीवन आचार्य, गोम्बु शेर्पा, खिनु लिम्बू तथा राजन किराँती र दुर्गा चापागाईं लगायतबाट सरकारमा सहभागी हुने जनाइएको छ ।